انتقال 48 محکوم از زندان‌های تاجیکستان به افغانستان

براساس توافق دو کشور، 48 زندانی دیگر از زندان‌های تاجیکستان به افغانستان منتقل شدند.
به گزارش خبرنگار سایت افغانستان خبرگزاری فارس،براساس توافق دو کشور، 48 زندانی دیگر از زندان‌های تاجیکستان به افغانستان منتقل شدند.
این زندانیان به اساس توافق‌نامه اخیر که بین وزیر امور خارجه افغانستان و دولت تاجیکستان به امضا رسید، به افغانستان منتقل شدند.
سید معصوم بدخش، مستشار و سرپرست سفارت افغانستان در تاجیکستان گفت: امروز 48 زندانی افغان با حضور هیأت‌های دو کشور به پلیس قندوز در شیرخان بندر تحویل داده شدند.
به گفته بدخش، این زندانیان آزاد نشدند، بلکه ادامه حبس خود را در زندان قندوز سپری خواهند کرد.
هنوزم حدود 100 تبعه افغانستانی دیگر در تاجیکستان زندانی هستند، بیشتر این افراد به جرم مواد مخدر و عبور غیر قانونی از مرز زندانی شده اند.
این در حالی است، که دولت تاجیکستان حدود سه ماه پیش، 80 شهروند افغانستان را که در این کشور در بند بودند، به حکومت افغانستان تحویل داد.
انتهای پیام/ح