تأکید بر تقویت همکاری‌های امنیتی در دیدار والی طالبان در بلخ با مقامات تاجیکستان
یوسف وفا، والی طالبان برای ولایت بلخ، در سفر رسمی به تاجیکستان با مقامات ارشد امنیتی این کشور دیدار و بر تقویت همکاری‌های دوجانبه در زمینه مبارزه با تروریسم و قاچاق مواد مخدر تأکید کرد.
باشگاه خبرنگاران جوان- یوسف وفا، والی طالبان برای ولایت بلخ، در جریان سفر رسمی به تاجیکستان با مقامات ارشد امنیتی و مرزی این کشور دیدار و گفت‌وگو کرد.
بر اساس خبرنامه دفتر رسانه‌ای والی طالبان در بلخ که امروز (پنجشنبه، ۱ آبان) منتشر شد، این سفر به دعوت دولت تاجیکستان و با حضور هیأتی بلندپایه انجام شد.
در نشست مشترک با وزارت مرزهای تاجیکستان در دوشنبه، دو طرف بر تقویت همکاری‌های امنیتی و منطقه‌ای به‌ویژه در زمینه مبارزه با تروریسم و قاچاق مواد مخدر تأکید کردند.
وفا در این دیدار، مبارزه مشترک با تهدیدات امنیتی را اولویت همکاری‌های دوجانبه دانست و خواستار هماهنگی عملیاتی در مقابله با گروه‌های تروریستی و شبکه‌های قاچاق مواد مخدر شد.
در مقابل، مقامات تاجیکستان از مواضع طرف افغانستانی استقبال کردند و بر اهمیت حفظ حسن هم‌جواری و توسعه همکاری‌های امنیتی و اطلاعاتی تأکید نمودند.
این نشست در شرایطی برگزار شد که نگرانی‌ها از فعالیت گروه‌های افراطی و قاچاق در مرزهای مشترک افغانستان و آسیای مرکزی رو به افزایش است.
روابط طالبان و تاجیکستان از سال ۲۰۲۱ با فراز و نشیب‌هایی همراه بوده، اما نشانه‌هایی از تغییر تدریجی در سیاست دوشنبه و حرکت به سمت تعامل محتاطانه مشاهده می‌شود.
نشست اخیر در دوشنبه را می‌توان بخشی از همین روند تدریجی بهبود روابط دانست.
