گفت‌وگوی سران پاکستان و تاجیکستان درباره افغانستان
پس از برخی اظهارات بین طالبان و تاجیکستان، نخست وزیر پاکستان در تماس با رئیس جمهور تاجیکستان درباره افغانستان گفت‌وگو کرد.
به گزارش دفتر منطقه‌ای خبرگزاری تسنیم، «عمران خان» نخست وزیر پاکستان در پی افزایش برخی اظهارات تند بین تاجیکستان و طالبان با «امامعلی رحمان» رئیس جمهور تاجیکستان تماس گرفت.
براساس بیانیه منتشر شده توسط ریاست جمهوری تاجیکستان، رحمان در این تماس تاکید کرد که وضعیت افغانستان همچنان در مرکز توجه دوشنبه قرار داشته و رویدادهای این کشور تاثیر مستقیمی بر وضعیت کلی منطقه دارد.
رئیس جمهور تاجیکستان افزود که ایجاد گفت‌وگوهای جامع بین جناح‌های مختلف افانستان یکی از عوامل مهم برای بازگرداندن صلح و ثبات در این کشور است.
وی همچنین بر آمادگی تاجیکستان برای همکاری سازنده با همه ذینفعان افغان به منظور تسهیل روند گفت‌وگوها تاکید کرد.
بیانیه می‌افزاید که دو طرف توافق کردند که در همه سطوح به تماس‌های خویش درباره افغانستان ادامه دهند.
گفتنی است که عمران خان پس از سفر اخیرش به تاجیکستان گفته بود که رایزنی‌ها با طالبان را برای ایجاد یک دولت فراگیر و شامل شدن نمایندگان اقوام تاجیک، هزاره و ازبک در دولت این کشور آغاز کرده است.
انتهای پیام/.