خیز تاجیکستان برای افزایش 2 برابری حجم تجارت با افغانستان

در دیدار رئیس مجلس نمایندگان تاجیکستان با سفیر افغانستان در این کشور، بر ضرورت توسعه همکاری‌های میان «دوشنبه» و «کابل» در زمینه های مختلف تاکید شد.
به گزارش خبرنگار خبرگزاری فارس در دوشنبه، «محمدطاهر ذاکرزاده» رئیس مجلس نمایندگان تاجیکستان با «محمدظاهر اغبر» سفیر افغانستان در این کشور دیدار کرد.
طی این دیدار دو طرف پیرامون موضوعات مختلف روابط دوجانبه تاجیکستان و افغانستان گفت و گو و تبادل نظر کردند.
رئیس مجلس نمایندگان تاجیکستان گفت که تأمین امنیت و ثبات در آسیای مرکزی باعث برقراری صلح و ثبات در افغانستان و ایجاد شرایط مساعد برای توسعه می‌شود.
ذاکرزاده با اشاره به اشتراکات فرهنگی و زبانی دو کشور و همچنین وجود مرز مشترک طولانی، اظهار داشت که کشورش همیشه در کنار مردم افغانستان قرار داشته و از تامین صلح و ثبات دائم در این کشور همسایه حمایت می‌کند.
رئیس مجلس نمایندگان تاجیکستان اظهار داشت «دوشنبه» علی رغم تأثیر منفی عوامل خارجی و از جمله همه گیری کرونا، قصد دارد حجم تجارت خود با افغانستان را دو برابر افزایش دهد.
وی یادآور شد: در حال حاضر بیش از 500 دانشجوی افغان در دانشگاه‌های تاجیکستان تحصیل می‌کنند و علاوه بر آن طی یک دهه اخیر حدود 1500 شهروند افغانستان و بیش از 100 زن در موسسات و مراکز آموزشی تاجیکستان آموزش دیدند.
ذاکرزاده سفر «میر رحمان رحمانی» رئیس پارلمان افغانستان به تاجیکستان را مهم خواند و تصمیم ایجاد گروه دوستی پارلمانی را در راستای توسعه همکاری‌های دو کشور دوست ارزیابی کرد.
وی همچنین خواستار تحکیم همکاری‌های فرهنگی و آموزشی میان تاجیکستان و افغانستان شد و همچنین بر ضرورت ایجاد تیم مشترک دوستی در مناطق مرزی دو کشور اشاره کرد و این موضوع را برای توسعه تعاملات تجاری و تامین بهتر امنیت مهم دانست.
اغبر نیز سطح همکاری‌های میان دو کشور را مطلوب دانست و ابراز امیدواری کرد که گروه دوستی پارلمانی دو کشور هرچه زودتر فعالیت خود را آغاز خواهد کرد.
وی همچنین خواستار تسهیل قوانین حوزه بازرگانی برای تاجران و گردشگران افغان شد.
سفیر افغانستان با بیان اینکه کشورش نیازمند همکاری و صلح پایدار است، به اهمیت نقش آفرینی کشورهای منطقه و همسایه از جمله تاجیکستان در روند صلح افغانستان تاکید کرد.
انتهای پیام/ح