استقبال «عبدالله» از مشارکت تاجیکستان در روند صلح افغانستان

رئیس شورای عالی مصالحه ملی افغانستان امروز در ادامه سفر دو روزه خود به «دوشنبه» با نخست وزیر تاجیکستان دیدار و گفت‌وگو کرد.
به گزارش خبرنگار دفاتر منطقه‌ای خبرگزاری فارس، «عبدالله عبدالله» رئیس شورای عالی مصالحه ملی افغانستان در ادامه سفر به تاجیکستان با «قاهر رسول‌زاده» نخست وزیر این کشور ملاقات کرد.
نخست وزیر تاجیکستان در ابتدای این دیدار حضور رئیس شورای عالی مصالحه ملی افغانستان به این کشور را خیر مقدم گفته از تلاش های صلح در افغانستان استقبال کرد.
وی در ادامه سخنان خود افغانستان را از دوستان و متحدان تاجیکستان عنوان کرد و روابط بین دو کشور را حسنه خواند.
رسول‌زاده در بخش دیگری با حمایت از تلاش های صلح در افغانستان، استقرار صلح و ثبات در این کشور را به معنی صلح و ثبات در تاجیکستان و منطقه عنوان کرد.
وی با ابراز امیدواری از این که تلاش های صلح به رهبری رئیس شورای عالی مصالحه ملی افغانستان نتیجه بدهد از همکاری کشورش برای تحقق صلح در افغانستان اطمینان داد.
رئیس شورای عالی مصالحه ملی افغانستان به نوبه خود با تشکر و قدردانی از دعوت تاجیکستان و همکاری‌های این کشور با مردم افغانستان و حمایت از تلاش‌های صلح، روابط میان دو کشور را دیرینه و تاریخی خواند.
عبدالله در ادامه نقش تاجیکستان با در نظر داشت تجربه صلح در این کشور در تامین صلح در افغانستان مهم خوانده خواستار همکاری «دوشنبه» در این زمینه شد.
انتهای پیام/ح