رئیس شورای عالی مصالحه ملی افغانستان وارد تاجیکستان شد
رئیس شورای عالی مصالحه ملی افغانستان در رأس یک هیأت عالی رتبه وارد «دوشنبه» پایتخت تاجیکستان شد.
به گزارش خبرنگار خبرگزاری فارس در دوشنبه، «عبدالله عبدالله» رئیس شواری عالی مصاحله ملی افغانستان در رأس یک هیأت عالی رتبه وارد دوشنبه پایتخت تاجیکستان شد.
رئیس شواری عالی مصالحه ملی افغانستان در چارچوب این سفر امروز و فردا با «امامعلی رحمان»، رئیس جمهور، «قاهر رسول‌زاده»، نخست وزیر، «محمد‌طاهر ذاکرزاده» رئیس مجلس نمایندگان و «سراج‌الدین مهرالدین» وزیر امور خارجه تاجیکستان دیدار و در خصوص روند صلح افغانستان و چالش ها و فرصت های پیش رو بحث و تبادل نظر می کند.
در طول این مذاکرات طیف گسترده ای از موضوعات روابط «دوشنبه» و «کابل» در زمینه های اقتصادی، تجاری، امنیتی، انرژی، صلح و آرامش در افغانستان مورد بحث و بررسی قرار خواهد گرفت.
انتظار می رود سفر عبدالله به دوشنبه زمینه‌ساز توسعه بیشتر روابط بین دو کشور خواهد شد.
باید گفت سفر رئیس شورای عالی مصالحه ملی افغانستان به دعوت رسمی رئیس جمهور تاجیکستان و در چارچوب سلسله سفرهای منطقه ای وی برای جلب حمایت از روند صلح افغانستان، صورت می گیرد.
قبل از این، عبدالله عبدالله رئیس شورای عالی مصالحه ملی افغانستان، با هدف جلب حمایت کشورهای منطقه از روند صلح این کشور به پاکستان، ایران، هند، ازبکستان و ترکیه سفر و با مقامات عالی این کشورها دیدار و گفت و گو کرده بود.
انتهای پیام/ح